§ 55
| 1 | Non inmerito ergo uae illis qui mane ebrietatis potum requirunt, quos conueniebat deo laudes referre, praeuenire lucem et occurrere oratione soli iustitiae, qui suos uisitat et exurgit nobis, si nos Christo, non uino et sicerae surgamus. |
| 2 | piis hymni dicuntur, et tu citharam tenes? psalmi canuntur. |
| 3 | et tu psalterium sumis aut tympanum? merito uae, quia salutem relinquis, mortem eligis. |
| 4 | uix diluculum, et iam cursatur per tabernas. |
| 5 | uinum quaeritur, excutiuntur tapetes. |
| 6 | accubitum festinant sternere, lagynas argenteas, auratos calices exponunt. |